Հետհեղափոխական Հայաստանի մոռացված սենսացիոն քրեական գործերը

2018 թվականի հեղափոխությունից անմիջապես հետո իշխանությունները մեկը մյուսի հետևից քրեական գործեր էին հարուցում` հանրությանը խոստանալով ցնցող բացահայտումներ և պատիժ մեղավորներին: Հեղափոխությունից երեք տարի անց հպարտ քաղաքացիները չեն տեսել ոչ առաջինը, ոչ էլ երկրորդը:

Դիցուք՝ հեղափոխությունից հետո քրեական գործ հարուցվեց «Վեոլիա ջրի» և Ռոբերտ Նազարյանի դեմ: Պարզվել էր, որ «Վեոլիա ջուրը» կաշառք տալու դիտավարությամբ ՀԾԿՀ նախագահի և ևս 7 պաշտոնատար անձանց համար Երևան-Փարիզ-Երևան ուղղությամբ տոմսեր է գնել, ինչից հետո ջրի սակագինը բարձրացվել 11,414 դրամով։

Նշված շրջագայության ընթացքում հիշյալ պաշտոնատար անձանց ուղեկցել են «Վեոլիա ջուր» ՓԲԸ-ի գլխավոր տնօրեն Կրիստիան Լըֆեն, նրա օգնական-թարգմանիչ Արման Ալոևն ու ՓԲԸ-ի վարչական տնօրեն Մարիաննա Շահինյանը, որոնց ավիատոմսերի և հյուրանոցային վարձավճարների համար ծախսվել են համապատասխանաբար 1,572,573 և 3,245,442 դրամ գումար։Դեպքի առթիվ հարուցվել է քրեական գործ ՀՀ քրեական օրենսգրքի 312-րդ հոդվածի 3-րդ մասի 1-ին կետով և 311-րդ հոդվածի 4-րդ մասի 2-րդ կետով, որն ուղարկվել է ՀՀ հատուկ քննչական ծառայություն՝ նախաքննության համար։ Ինչպես հասկանում ենք՝ նախաքննությունը մինչ օրս ընթանում է:

Այնուհետև ՀԷՑ-ի դեմ քրեական գործ հարուցվեց ՊԵԿ-ի կողմից: ՊԵԿ-ը համոզված էր, որ ՀԷՑ-ը պետական բյուջե չի վճարել շահութահարկի, եկամտահարկի, ավելացրած արժեքի հարկի եւ պարտադիր սոցվճարների մի մասը: Ամբողջական գումարը կազմում էր մոտ 1.9 միլիարդ դրամ:

Այնուհետև տեղեկացանք, որ ՊԵԿ քննչական վարչությունում ՀՀ քրեական  օրենսգրքի 205-րդ հոդվածի 2-րդ մասի հատկանիշներով քննվում է «Սանիթեք ինթերնեյշնլ» ՍՊ ընկերության և «Սանիթեք» ՍՊԸ հայաստանյան մասնաճյուղի վերաբերյալ նախապատրաստված նյութերով առանձնապես խոշոր չափերով հարկերը չվճարելու դեպքի առթիվ քրեական գործը, մեղադրյալներ գործով, սակայն, չկային և չկան:

«Գազպրոմ Արմենիա» ընկերությունում հեղափոխությունից անմիջապես հետո կատարվել են են չակերտավոր ասած` պլանային ստուգումներ։ Այսինքն՝ 2018թ. հուլիսի 1-ից 2019թ. հունիսի 30-ն ընկած ժամանակահատվածի համար ՊԵԿ-ը հրապարկել է ռիսկերի չափանիշների հիման վրա գնահատված՝ ստուգման ենթակա հարկ վճարողների ցանկը, որտեղ ընդգրկված է եղել «Գազպրոմ Արմենիան»։ Ըստ սահմանված ժամանակացույցի` այդ հարկատուների մոտ բյուջեի հետ փոխհարաբերությունների ճշտության ստուգումներ են կատարվում։ Այդ ստուգումների ընթացքում, ստուգում իրականցնող հարկային ծառայողների կողմից որոշակի տեղեկատվություն է բացահայտվել, որը ներկայացվել է ՊԵԿ քննչական վարչություն և հաղորդում է տրվել հետագա ստուգումներ իրականացնելու համար։ Այդ հաղորդման հիման վրա քննիչի որոշմամբ հարուցվել է քրգործ և...ըստ էության այդքանը:

Ինչպես հասկանում ենք՝ հեղափոխությունից հետո հարուցված քրեական գործերը, որոնք հանրությանը ներկայացվում էին որպես մեգա սենսացիա, պարզապես ջրվել են կամ մոռացության մատնվել: Սա իր հերթին նշանակում է, որ կամ տվյալ պահին քրեական գործերի հարուցման գլխավոր հիմքն ու դրդապատճառը քաղաքական պոպուլիզմն էր կամ քրեական գործերը կարճվել են, որովհետև իշխանությունները և բիզնեսը գնացել են որոշակի փոխհամաձայնության, այսինքն՝ գործ ունենք ինչ-ինչ պայմանավորվածությունների հետ՝ հանրության աչքից հեռու...

Այս թեմայով Ամեն անգամ, երբ թվում է՝ ցինիզմը, այնուամենայնիվ, սահմաններ ունի, Փաշինյանը հակառակն է ապացուցում. Սուրեն Սուրենյանց Ինչու Փաշինյանը արհամարհեց Բայդենի «հրաժեշտի» ընդունելությունը․ Սուրեն Սարգսյան Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան