«Բարսելոնան» հրապարակել է Մեսսիի ռեկորդներն ու պատմական նվաճումները

«Բարսելոնայի» պաշտոնական կայքը հրապարակել է հարձակվող Լիոնել Մեսսիի՝ ակումբում անցկացրած 17 տարվա վիճակագրությունը: Արգենտինացի գերաստղի թվերն իսկապես տպավորիչ են:

Մամուլի ծառայությունը նշում է, որ «կապտանռնագույնների» արդեն նախկին ավագը ակումբից հեռացավ ինչպես համաշխարհային, այնպես էլ «Բարսելոնայի» կազմում իր ելույթի շրջանակներում գրանցած ռեկորդներով: Համաշխարհային ռեկորդների շարքում նշվում է, որ Մեսսին դարձավ միակ ֆուտբոլիստը, ով նվաճեց «Ոսկե գնդակը», աշխարհի լավագույն խաղացողի կոչումը, «Ոսկե խաղակոշիկը» և Լա Լիգայի լավագույն ռմբարկուի մրցանակը մեկ մրցաշրջանում: Դա տեղի ունեցավ 2009/10 մրցաշրջանում:

Մեսսին «Ոսկե գնդակը» նվաճել է պատմության մեջ ավելի շատ, քան որևէ մեկը՝ վեց անգամ: Նա նաև պատմության մեջ ամենաերիտասարդ խաղացողն է, ով նվաճել է այս գավաթը:

Արգենտինացին պատմության մեջ գրել է իր անունը՝ որպես մեկ օրացուցային տարվա ընթացքում ամենաշատ գոլեր խփած հարձակվող (91): Դա տեղի է ունեցել 2012 թվականին։ Իսպանիայի առաջնությունների շրջանակներում՝ Մեսսին նշանավորվեց նաև հսկայական ռեկորդային նվաճումներով՝ Իսպանիայի առաջնությունների պատմության լավագույն ռմբարկուն, գոլերի ամենաերկար շարանը, Լա Լիգայում ամենաշատ հաղթանակները: Նա նաև դարձավ նույն մրցաշրջանում և՛ լավագույն գոլի, և՛ գոլային փոխանցման հեղինակ:

Իհարկե, կատալոնական ակումբի մամուլի ծառայությունը չմոռացավ նշել «Բարսելոնայում» Լիոնելի ռեկորդների մասին:

Մեսսին 778 պաշտոնական հանդիպում է անցկացրել «կապտանռագույնների» մարզաշապիկով՝ ավելին, քան որևէ մեկը պատմության մեջ: Լեգենդար արգենտինացին «Բարսելոնայի» հետ նվաճեց 35 տիտղոս, խփեց 672 գոլ և կատարեց 305 գոլային փոխանցում: Նա դարձավ երբևէ ամենաերիտասարդ ֆուտբոլիստը, ով 100 գոլ է խփել մի ակումբում, ինչպես նաև 200 գոլի հեղինակ է: Նա Չեմպիոնների լիգայում «Բարսայի» լավագույն հարձակվողն է:

Լեոյի գավաթների և ռեկորդների ամբողջական ցանկը կարելի է գտնել նրա նախկին ակումբի կայքում: