Հայտնի է, թե որքան գումար է վաստակելու Մեսսին «ՊՍԺ»-ում

Համացանցում հայտնվել են արգենտինացի հարձակվող Լիոնել Մեսսիի՝ ֆրանսիական «ՊՍԺ»-ի հետ պայմանագրի մանրամասները:

Հինգշաբթի օրը կատալոնական «Բարսելոնան» հայտարարեց, որ Իսպանիայի առաջնության ֆինանսական սահմանափակումների պատճառով՝ չի կարողանա երկարաձգել 34-ամյա Մեսսիի հետ ավարտված պայմանագիրը:

Իտալացի լրագրող Նիկոլա Շիրայի խոսքով՝ Մեսսին երկու տարվա պայմանագիր կկնքի փարիզեցիների հետ՝ պայմանագիրը ևս մեկ մրցաշրջանով երկարաձգելու հնարավորությամբ: «ՊՍԺ»֊ում հարձակվողը կստանա տարեկան 50 միլիոն եվրո:

Մեսսին «Բարսելոնայում» հանդես է գալիս 2004 թվականից: Ընդհանուր առմամբ՝ արգենտինացին կատալոնական ակումբի կազմում անցկացրել է 778 հանդիպում, որոնցում դարձել է 672 գոլի հեղինակ: