ՔՊ-ական նախարարների անցած ուղին. Տիգրան Խաչատրյան

Շարունակելով ընթերցողի ուշադրությանը ներկայացնել կառավարության անդամների անցած ուղին՝ այսօր կանդրադառնանք ֆինանսների նորանշանակ նախարար Տիգրան Խաչատրյանին:

1995 թ. - ՀՀ էկոնոմիկայի նախարարության առաջատար մասնագետ:1995-1996 թթ. - ՀՀ ֆինանսների նախարարության գլխավոր տնտեսագետ:1996-1998 թթ. ՀՀ ֆինանսների նախարարության պետական բյուջեի եկամուտների բաժնի պետ: 1998-1999 թթ. ՀՀ ֆինանսների և էկոնոմիկայի նախարարության հարկային քաղաքականության վարչության պետ: 1999-2001 թթ. ՀՀ ֆինանսների և էկոնոմիկայի նախարարության պետական եկամուտների քաղաքականության գլխավոր վարչության պետ: 2001-2006 թթ. ՀՀ ֆինանսների և էկոնոմիկայի նախարարի տեղակալ: 2006-2016 թթ. Վալլեքս ընկերությունների խումբ, ֆինանսական տնօրեն: 2008-2014 թթ. Զարգացման հայկական գործակալության խորհրդի անդամ: 2016 թ.  Համահայկական բանկ, խորհրդի անդամ: 2016-2018 թթ.  ՀՀ տնտեսական զարգացման և ներդրումների նախարարի տեղակալ: 2018 թ․ մարտ-մայիս  ՀՀ տնտեսական զարգացման և ներդրումների նախարարի առաջին տեղակալ: 2018 թ․ սեպտեմբեր - հոկտեմբեր-  Հայ-Թեք Արմենիա ընկերության տնօրեն: 2018-2019 թթ․ ՀՀ տնտեսական զարգացման և ներդրումների նախարար: 2019-2020 թթ.  ՀՀ էկոնոմիկայի նախարար: 2021 թ. մարտ - հուլիս - Միջազգային Էներգետիկ կորպորացիա ՓԲԸ, Խորհրդի անդամ: 2021 թ. օգոստոսի 3-ին նշանակվել է Ֆինանսների նախարար:

Ինչպես տեսնում ենք՝ Խաչատրյանը այն եզակի նախարարներից է, ով իսկապես ունի գրանցած հաջողություններ իր ղեկավարած ոլորտում և որը ամենակարևորն է՝ համապատասխան գիտելիքներ և փորձ: Խաչատրյանը նաև այս կաբինետի եզակի «մաքուր» նախարարներից է, ով երբևէ չի հայտնվել սկանդալային պատմության կիզակետում: Վերջինիս ֆինանսների նախարար նշանակվելուց հետո որոշում կայացվեց՝ Արցախին ֆինանսական օգնություն տրամադրելու մասով, բացի այդ նախարարությունը մեկնարկել է անչափ կարևոր բարեփոխում, որը վերաբերվում է գնումների ոլորտի իրավական կարգավորմանը: Խաչատրյանը հասցրել է նաև գործնական քննարկումներ անցկացնել Նիդեռլանդների, Չինաստանի դեսպանների հետ, ընդունել է ԱԶԲ Հայաստանյան գրասենյակի ղեկավարին և ԱՄՀ մշտական ներկայացուցչին: