Նորակառույցները Երևանում կդիմանան 9 և ավելի բալ երկրաշարժին, սովետականը՝ մեկ բալ քիչ. Սեյսմիկ ծառայություն

«Երևանը երկու կողմից խզվածք ունի, ձախ կողմինը Երևանյան կոչվող խզվածքն է, իսկ աջ կողմից՝ Գառնիի մեծ խզվածքն է, որն իջնում է մինչև Նախիջևանի սահման». Այս մասին այսօր՝ փետրվարի 14-ին, հրավիրված մամուլի ասուլիսին ասաց «Սեյսմիկ պաշտպանության տարածքային ծառայության» տնօրեն Սոս Մարգարյանը։ 

Նրա գնահատմամբ՝ տարբեր հաշվարկներով Երևանը թույլ պոտենցիալով խզվածք է, աշխարհում շատ քիչ երկրներ կան, որոնք 7 մագնիտուդին կարող են դիմակայել։

«Նույնիսկ եթե սովորական շենքերը դիմակայեն, կարևոր նշանակության շատ օբյեկտներ չեն դիմակայում։ Այսօր ոչ միայն նորակառույցներն են շատացել, այլ նաև մասնավոր տներ են շատ սարքում։ Մասնավոր տները քիչ խոցելի են, քան շենքերը։ Պետք է իմանանք, սովորենք, որ մենք ապրում ենք սեյսմաակտիվ գոտում, դա պատահական երևույթ չի, մի անգամ չեղավ ու վերջացավ»,- նշեց Մարգարյանը։

Նրա փոխանցմամբ՝ Երևանում նորակառույցները 9 և ավելի բալ ուժգնությամբ երկրաշարժին կարող են դիմանալ, սակայն 7 մագնիտուդը 20 կմ-ի վրա մի բալ է, 10 կմ-ի վրա՝ մեկ այլ բան։