Ուկրաինացի զինվորականներով ավտոբուսները լքել են «Ազովստալի» տարածքը (տեսանյութ)

Ուկրաինացի զինվորականներով ավտոբուսները լքել են Մարիուպոլի «Ազովստալ» գործարանի տարածքը։ Այս մասին հաղորդում է Reuters-ը:

Հաղորդագրության մեջ ասվում է, որ դեպքի վայրում գտնվող ականատեսը հայտնել է, որ մոտ 10 ավտոբուս ուկրաինացի զինվորականներով դուրս է եկել «Ազովստալից»։

«Երկուշաբթի օրը Reuters-ը տեսել է մոտ մեկ տասնյակ ավտոբուսներ, որոնք, ըստ երեւույթին, տեղափոխում էին ուկրաինացի զինվորականներին: Հնարավոր չեղավ պարզել, թե քանի մարդ է եղել ավտոբուսներում: Ենթադրվում է, որ մոտ 600 մարտիկ կա խորհրդային ժամանակների խոշոր գործարանի տարածքում, այդ թվում՝ տասնյակ վիրավորներ»,- հայտնում է Reuters-ը։