ԱՄՆ Սենատը հավանություն է տվել Ուկրաինային 40 միլիարդ դոլարի օգնության նոր փաթեթին
Աշխարհ
ԱՄՆ Սենատը հավանություն է տվել Ուկրաինային 40 միլիարդ դոլարի օգնության նոր փաթեթին՝ օրինագիծն ուղարկելով նախագահ Ջո Բայդենին ստորագրման համար։ Այս մասին հայտնում է «ՌԻԱ Նովոստի»-ն:
Նախաձեռնության օգտին, որն ավելի վաղ հավանության էր արժանացել Ներկայացուցիչների պալատի կողմից, 100 սենատորներից արդեն քվեարկել է 51-ը։
Փաթեթը ներառում է ռազմական, տնտեսական և հումանիտար օգնություն Ուկրաինային։ Կոնգրեսն ավելացրել է գումարը մինչև 40 միլիարդ դոլար՝ ի սկզբանե Բայդենի պահանջած 33 միլիարդ դոլարից:
Սպիտակ տունը, Պետդեպարտամենտը և Պենտագոնը հորդորել են օրենսդիրներին շտապել՝ զգուշացնելով, որ մինչև մայիսի 19-ը իրենց ֆինանսական միջոցները կսպառվեն Ուկրաինային օգնելու համար։ Օրինագծի ընդունմանը խոչընդոտել է հանրապետական Ռենդ Փոլը, ով պահանջում էր ավելի մեծ վերահսկողություն ծախսերի նկատմամբ:
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
