Ռուսաստանում 12 նոր զորամաս կբացվի սահմաններին աճող սպառնալիքների պատճառով. Շոյգու
Աշխարհ
Ռուսաստանը մինչև տարեվերջ Արևմտյան ռազմական օկրուգում կձևավորի 12 զորամաս և դիվիզիա՝ նոր սպառնալիքների պատճառով, ուրբաթ օրը ՌԴ պաշտպանության նախարարության կոլեգիայի նիստում հայտարարել է ՌԴ պաշտպանության նախարար Սերգեյ Շոյգուն, գրում է Interfax-ը։
Նրա խոսքով՝ այս տարի զորքերը նախատեսում են ստանալ ավելի քան երկու հազար միավոր ժամանակակից սպառազինություն և ռազմական տեխնիկա։ Նախարարը նշել է նաև նախորդ տարվա համեմատ շրջանի ստորաբաժանումների պատրաստվածության մակարդակի որակական բարձրացման համար տարվող աշխատանքների մասին։
Շոյգուն սպառնալիքների թվում անվանել է Ֆինլանդիայի և Շվեդիայի՝ ՆԱՏՕ մուտքը։ «Արևմտյան ռազմավարական ուղղությամբ ստեղծված իրավիճակը բնութագրվում է ռուսական սահմանների մոտ ռազմական սպառնալիքների աճով»,- պարզաբանել է նա։
«Մեր ամենամոտ հարևանները՝ Ֆինլանդիան և Շվեդիան, դիմել են ՆԱՏՕ-ին անդամագրվելու համար: Այսպիսով՝ լարվածությունը շարունակում է աճել Արևմտյան ռազմական շրջանի պատասխանատվության գոտում»,- ասել է նա։
Նրա խոսքով՝ Ռուսաստանն այդ հարցում «համարժեք պատասխան քայլեր» է ձեռնարկում։
ՈՒՂԻՂ ԵԹԵՐ
Ամենադիտված 
Բլոգեր Նուշ Օհանյանն իր դստեր հետ միասին այցելել է ամուսնու շիրիմին և հրապարակել է լուսանկար (լուսանկար)
