Ստոլտենբերգն ընդունել է Թուրքիայի «անհանգստությունը» Շվեդիայի և Ֆինլանդիայի հայտերի վերաբերյալ

ՆԱՏՕ-ն կկարողանա «պայմանավորվել եւ ընդունել Ֆինլանդիային ու Շվեդիային որպես մեր դաշինքի լիիրավ անդամներ»։ Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը։

Ստոլտենբերգն ընդունել է Թուրքիայի «անհանգստությունը» պաշտպանական դաշինքին անդամակցելու Շվեդիայի եւ Ֆինլանդիայի հայտերի վերաբերյալ։

Թուրքիային անվանելով «կարեւոր դաշնակից», որը «առանցքային դեր է խաղացել ԴԱԻՇ-ի դեմ պայքարում», Ստոլտենբերգն ասել է, որ Թուրքիան ունի «ռազմավարական աշխարհագրական դիրք», որը «կարեւոր է ողջ դաշինքի համար»։ «ՆԱՏՕ-ի ոչ մի այլ դաշնակից չի ենթարկվել ավելի շատ ահաբեկչական հարձակումների, քան Թուրքիան, եւ ՆԱՏՕ-ի ոչ մի դաշնակից ավելի շատ փախստականներ չի պահում, քան Թուրքիան»: «Մենք պետք է դեպի առաջ ճանապարհ գտնենք»,- ասել է նա՝ հավելելով. «Վստահ եմ, որ մենք կանենք դա, ինչպես բազմիցս արել ենք ՆԱՏՕ-ում, որպեսզի գտնենք այդ հարցերը լուծելու ճանապարհը։

Մենք պետք է համոզվենք, որ հաշվի կառնենք նաեւ որոշ մտահոգություններ, որոնք Ֆինլանդիան եւ Շվեդիան արտահայտել են այս միջանկյալ ժամանակաշրջանի վերաբերյալ: Ես լավ գիտեմ Ֆինլանդիան եւ Շվեդիան, նրանք կնպաստեն մեր հավաքական պաշտպանությանը, մեր ընդհանուր անվտանգությանը։ Սա առանձնահատուկ նշանակություն կունենա Բալթյան տարածաշրջանի համար»։