Վրաստանը ռազմական ճանապարհով չի վերադարձնի Հարավային Օսիան և Աբխազիան. Զուրաբիշվիլի

Վրաստանի նախագահ Սալոմե Զուրաբիշվիլին հայտարարել է, որ երկիրը չի օգտվի ուկրաինական պատերազմից՝ ռազմական ճանապարհով իր տարածքները վերադարձնելու համար, փոխանցում է «Էխո Կավկազ»-ը։

«Սա ակնհայտ, ևս մեկ ռուսական ապատեղեկատվություն է»,- ասել է Զուրաբիշվիլին՝ ելույթ ունենալով Թբիլիսիի Ազատության հրապարակում՝ երկրի Անկախության օրվա կապակցությամբ։

«Եվս մեկ անգամ դիմում եմ ձեզ՝ Աբխազիայի և Ցխինվալի մեր քաղաքացիներին. հաստատում եմ, որ Վրաստանը ձեր դեմ պատերազմով և ուժով ոչինչ չի ծրագրում։ Այսօր բոլորի համար պարզ է, թե որ երկիրն է սպառնում իր հարեւանների ինքնիշխանությանը, ինքնությանը, կյանքին։ Եվ դա Վրաստանը չէ։ Մենք ձեզ առաջարկում ենք ձեր լեզվի, ինքնության, պատմության, մշակույթի ազատություն, հարգանք և պաշտպանություն»,- ասել է Վրաստանի նախագահը։

Զուրաբիշվիլին Ռուսաստանին Հարավային Օսիայի միացման հարցով հանրաքվե անցկացնելու նախաձեռնությունը ռուսական հերթական սադրանքն ու անեքսիայի սպառնալիքն է անվանել։

«Մենք չենք կարող Ռուսաստանին թույլ տալ ևս մեկ ճակատագրական սխալ թույլ տալ և կրկին անտեսել միջազգային իրավունքի նորմերը և սկզբունքները։ Սա անպատասխան չի մնա և կառաջացնի միջազգային հանրության համապատասխան արձագանքը»,- հավելել է Զուրաբիշվիլին։