Լավրովը խոսել է Արեւմուտքում քրիստոնյաների իրավունքները պաշտպանելու Ռուսաստանի մտադրության մասին

Արեւմտյան երկրները չեն լուծում քրիստոնյաների հալածանքների խնդիրը, Ռուսաստանը պետք է ինքնուրույն զբաղվի այդ հարցով։ Այս մասին հայտարարել է ՌԴ ԱԳ նախարար Սերգեյ Լավրովը Կայսերական ուղղափառ պաղեստինյան ընկերության 140-ամյակին նվիրված ժողովում, փոխանցում է ՏԱՍՍ-ը։

«Ընկերությունն ի սկզբանե ստեղծվել է սուրբ հողում մեր երկրի շահերն ապահովելու համար։ ԱՄՆ-ի և նրա արբանյակների կողմից հրահրված այսպես կոչված «արաբական գարուն 2011»-ի հետևանքով մոլեգնող ծայրահեղականության, ահաբեկչության պատճառով հալածվող, այնտեղից փախչող քրիստոնյաներին պաշտպանելու նախագիծը շատ կարևոր է»,- ասել է նա։ 

Միաժամանակ Լավրովը կարծում է, որ քրիստոնյաներին պաշտպանելու խնդիրը արդիական է ոչ միայն Մերձավոր Արևելքի և Հյուսիսային Աֆրիկայի, այլև Եվրոպայի համար։ Նրա կարծիքով՝ Արևմուտքը դա ճիշտ չի անում. մասնավորապես, 2014 թվականից ԵԱՀԿ-ն քրիստոնեաֆոբիայի և իսլամաֆոբիայի անթույլատրելիության մասին հռչակագիր չի ընդունել՝ չնայած նման խոստմանը։

«Մենք պետք է պաշտպանենք քրիստոնյաների իրավունքները, ուղղափառների իրավունքները՝ մեր տրամադրության տակ եղած բոլոր հնարավորություններով»,- եզրափակել է նախարարը։