Վրաստանի վարչապետը հայտարարել է` երբ են անդամակցելու ԵՄ-ին

Վրաստանի վարչապետ Իրակլի Ղարիբաշվիլին Սլովակիայի մայրաքաղաք Բրատիսլավայում անցկացվող Գլոբալ անվտանգության ֆորումի ժամանակ հայտարարել է Եվրամիություն երկրի անդամակցության ժամկետը, այն է՝ 5֊10 տարի, հայտնում է Interfax-ը։

«Վրաստանն իր էությամբ եվրոպական երկիր է, և մենք ունենք ասոցացման համաձայնագիր Եվրամիության հետ, որը մեր գլխավոր ծրագիրն է։ Մենք հստակ գիտենք, թե ինչ պետք է անենք։ Իհարկե մենք իրականացնում ենք այն բարեփոխումները, որոնց պատասխանատվությունը ստանձնել ենք։ Մենք գիտենք, թե ինչպես իրականացնել մեր երկրի վերափոխումը և այն վերածել իրական եվրոպական պետության»,- ասել է Ղարիբաշվիլին։

«Այսպիսով՝ մենք մեզ տեսնում ենք Եվրոպայում՝ Եվրամիությունում, 5-10 տարի հետո։10 տարի՝ սա է մեր երազանքն ու ցանկությունը»,- ամփոփել է Ղարիբաշվիլին։

Ավելի վաղ Վրաստանի վարչապետը հայտարարել էր, որ երկրին ԵՄ թեկնածուի կարգավիճակ տալը բարեփոխումների շարժառիթ կլինի։