Ադրբեջանի ցամաքային զորքերը մարտական հրաձգությամբ վարժանքներ են անցկացրել

2022 թվականի մարտական պատրաստության պլանի համաձայն՝ Ադրբեջանի ցամաքային զորքերի զորամասերում եւ ստորաբաժանումներում մարտական հրաձգությամբ մարտավարական վարժանքներ են անցկացվել, շաբաթ օրը հայտնել է երկրի պաշտպանության նախարարությունը, հաղորդում են ադրբեջանական լրատվամիջոցները։

«Զորավարժություններին ներգրավված մոտոհրաձգային, հրետանային եւ զրահատանկային ստորաբաժանումները համագործակցությամբ ոչնչացրել են պայմանական հակառակորդի՝ ըստ սցենարի հայտնաբերված թիրախները»,- ասվում է ռազմական գերատեսչության կայքում տեղադրված հաղորդագրության մեջ։

Այն հստակեցնում է, որ զորավարժությունների հիմնական նպատակը «հրամանատարների կառավարչական հմտությունները եւ անձնակազմի գործնական հմտությունները զարգացնելն է, ինչպես նաեւ ստորաբաժանումների միջեւ փոխգործակցությունը բարելավելը»։