Թեհրանն ու Բաքուն պայմանավորվել են երկու անգամ մեծացնել գազի սվոփ մատակարարումները
ԻրանԻրանն ու Ադրբեջանը համաձայնագիր են ստորագրել Թուրքմենստանից` գազի սվոփ մատակարարումները երկու անգամ մեծացնելու մտադրության մասին։ Այս մասին հայտնում է ԻՌՆԱ-ն:
Իրանի նավթի նախարար Ջավադ Օջին ժամանել է Բաքու։ Նրա այցի ընթացքում հուշագիր է ստորագրվել վառելիքի սվոփ մատակարարումների ավելացման մասին։
«Գազի սվոփ մատակարարման մասին համաձայնագրի ստորագրմամբ ճանապարհ բացվեց այլ ոլորտներում համագործակցության համար, ինչպիսիք են տրանսպորտը, էներգետիկան, առևտուրը»,- ասել է նախարարը։
Նա նաև հայտնել է, որ Թեհրանը և Բաքուն պայմանավորվել են ստեղծել իրանա-ադրբեջանական կոմիտե՝ Կասպից ծովում համատեղ հանքավայրերի ուսումնասիրության համար։
2021 թվականի աշնանը Իրանը, Ադրբեջանը և Թուրքմենստանը Աշխաբադում համաձայնագիր են ստորագրել վառելիքի սվոփ մատակարարման մասին։ Պայմանագրից բխում է, որ ամեն տարի Թուրքմենստանից Իրանի տարածքով Ադրբեջան կուղարկվի 1,5-ից 2 միլիարդ խորանարդ մետր գազ։