«Ազովի մարտիկներին մահապատիժ է սպառնում…». Յուրի Սիրովատկոն

Ազովի մի շարք մարտիկների մահապատիժ է սպառնում Դոնբասում հանցագործությունների համար։ Այս մասին RT-ին ասել է ԴԺՀ արդարադատության նախարար Յուրի Սիրովատկոն։

 «Մահապատիժը` որպես պատժի բացառիկ միջոց, կարող է սահմանվել միայն առանձնապես ծանր հանցագործությունների համար, որոնք ոտնձգություն են անում մարդու կյանքի վրա։  Որքան գիտենք, ԴԺՀ-ի տարածքում, այդ թվում՝ վերջերս ազատագրված տարածքներում, կան հարյուրավոր, եթե ոչ հազարավոր, ծայրահեղ դաժանությամբ քաղաքացիական անձանց սպանության դեպքեր»։

Միաժամանակ նա նշեց, որ ռազմագերիների բոլոր իրավունքները հարգվում են, նրանք սնվում են, բուժօգնություն է ցուցաբերվում։  Հանրապետության տարածքում այժմ կա ազգային գումարտակի 2,3 հազար գերի ընկած զինյալ։