Հունգարիայի արտգործնախարարը համաձայն է, որ Զելենսկին հոգեկան խնդիրներ ունի

Հունգարիայի արտաքին գործերի նախարար Պետեր Սիյարտոն անընդունելի է անվանել ուկրաինացի քաղաքական գործիչների տոնը և աջակցել Հունգարիայի խորհրդարանի խոսնակ Լասլո Կևերի դիրքորոշմանը, ով նախօրեին հայտարարել էր Ուկրաինայի նախագահ Վլադիմիր Զելենսկու հոգեկան խնդիրների մասին։

«Մինչ Հունգարիայում վերջին ամիսներին տասնյակ հազարավոր մարդիկ աշխատում էին օգնել... Ուկրաինային և ուկրաինացի ժողովրդին, ուկրաինացի քաղաքական գործիչները անընդհատ խոսում են Հունգարիայի մասին անընդունելի տոնով, հրահրում են մեզ, ստում և փորձում զրպարտել մեզ։ Նրանք երբեք բարձրաձայն իրենց երախտագիտությունը չեն հայտնել։ Այս ամենից ելնելով Լասլո Կևերը միանգամայն իրավացի է, նույնիսկ եթե ուկրաինացիները վրդովված են դրանից»,- գրել է Սիյարտոն սոցցանցում։

Լասլո Կեևրը նախօրեին խոստովանել էր, որ զարմացած է Զելենսկու պահվածքից, ով սպառնում է այն երկրներին, որոնցից օգնությունն է խնդրում։ Նա ասել է, որ ինչ-որ «անձնական հոգեկան խնդիր» ունի։ Ի պատասխան՝ Ուկրաինայի ԱԳՆ-ն կոպիտ կերպով խորհրդարանի խոսնակից հոգեկան առողջության տեղեկանք է պահանջել և խոստացել նրա հետ հարաբերություններ կառուցել՝ դրանում նշված ախտորոշման համաձայն։

Զելենսկին իսկապես դժգոհություն է հայտնել Հունգարիայի դիրքորոշման վերաբերյալ, որը դեմ է հակառուսական պատժամիջոցների ընդլայնմանը և Ուկրաինայի վրայով ոչ թռիչքային գոտու սահմանմանը։ Բուդապեշտը նաև հրաժարվել է Կիևին զենք մատակարարել և իր տարածքով տեղափոխել դրանք։