Իրաքում բրիտանացին հազիվ է խուսափել մահապատժից իր ուղեբեռում մի առարկայի պատճառով

Բաղդադի դատարանը երկուշաբթի օրը՝ հունիսի 6-ին, Մեծ Բրիտանիայի քաղաքացուն դատապարտել է 15 տարվա ազատազրկման՝ հնագույն իրերը երկրից մաքսանենգ ճանապարհով դուրս բերելու փորձի համար: Այդ մասին գրում է Reuters-ը։

Դեպքը տեղի է ունեցել 2022 թվականի մարտին։ 66-ամյա Ջեյմս Ֆիթթոնը ձերբակալվել է Բաղդադի միջազգային օդանավակայանում իր ուղեբեռում մեկ առարկայի պատճառով.  ճանապարհորդի անձնական իրերում հայտնաբերվել են հնագույն խեցեղենի բեկորներ։

Բաղդադի քրեական դատարանը որոշել է, որ Ֆիթթոնը ապօրինի կերպով է ձեռք բերել արտեֆակտները, որոնք Իրաքի մշակութային ժառանգությունն են, և փորձել է դրանք դուրս բերել երկրից «հանցավոր դիտավորությամբ»: Նշվում է, որ բրիտանացուն հաջողվել է հրաշքով խուսափել մահապատժից, որն իրաքյան օրենսդրության պրակտիկայում նման հանցագործությունների համար պատժի սովորական միջոց է։

Ֆիթթոնի հետ ձերբակալվել է Գերմանիայի քաղաքացի Ֆոլկեր Վալդմանը, ով նույնպես փորձել է դուրս հանել խեցեղենի բեկորները։ Այնուամենայնիվ, գերմանացին արդարացվել է։ Բրիտանացի փաստաբանն ասել է, որ ցնցված է դատավճռով, քանի որ իր պաշտպանյալը չգիտեր, որ հնագույն բեկորները արտեֆակտներ են։ Ֆիթթոնի պաշտպանությունը մտադիր է բողոքարկել դատարանի որոշումը։