Թուրքիայի արտգործնախարարը սպառնացել է Հունաստանին

Թուրքիայի իշխանությունները կոչ են արել Հունաստանին դուրս բերել իր զինված ուժերը Էգեյան ծովի կղզիներից, հայտնում է Associated Press-ը։

«Կա պայմանավորվածություն, որը խախտում է Հունաստանը։ Եթե Հունաստանը չդադարեցնի այդ խախտումը, կղզիների ինքնիշխանության հարցը կդրվի քննարկման», - Թուրքիայի արտգործնախարար Մևլութ Չավուշօղլուի խոսքերը մեջբերում է գործակալությունը։

Անցյալ շաբաթ Չավուշօղլուն ասել էր, որ Անկարան կհրաժարվի մի շարք կղզիների նկատմամբ Հունաստանի ինքնիշխանության անվերապահ ճանաչումից, եթե Աթենքը չդադարեցնի այնտեղ զենք տեղադրել։