ԱՄՆ-ն ցանկանում է հանել Բելառուսի դեմ կիրառված պատժամիջոցները. հայտնի են պատճառները

ԱՄՆ-ը քննարկում է Բելառուսի դեմ պատժամիջոցների մի մասի ժամանակավոր վերացումը՝ Ուկրաինայից հացահատիկ արտահանելու նպատակով։

 Խոսքը բելառուսական պոտաշ պարարտանյութերի արդյունաբերության սահմանափակումների մասին է, գրում է The Wall Street Journal-ը՝ վկայակոչելով ԱՄՆ վարչակազմի աղբյուրները։

 Փոխարենը ակնկալվում է, որ Մինսկը միջանցք կտրամադրի հացահատիկի բերքը Ուկրաինայից Կլայպեդա երկաթուղով փոխադրելու համար։

 Ըստ թերթի՝ այս գաղափարը պաշտպանում են, մասնավորապես, ՄԱԿ-ի աշխատակիցները և որոշ դիվանագետներ։  Միաժամանակ, Զելենսկին նախօրեին հայտարարել էր, որ Ուկրաինան պատրաստ չէ հացահատիկ արտահանել Բելառուսի տարածքով։