Բեռլինում ամբոխի մեջ մխրճված հայազգի վարորդի մեքենայում գրություն է հայտնաբերվել. Bild

Բեռլինում ամբոխի մեջ մխրճված հայազգի վարորդի մեքենայում ոստիկանները հայտնաբերել են գրություն, որում նա խոստովանում է կատարվածը։ 

Այս մասին գրում է Bild-ը՝ վկայակոչելով քննչական մարմիններում իր աղբյուրին։

«Սա ամենևին էլ պատահականություն չէ։ Խոսքը զանգվածային սպանության մասին է, սառնասիրտ մարդասպանի կողմից»,- ասել է աղբյուրը։

Վերջին տեղեկություններով՝ դեպքի հետեւանքով մեկ մարդ մահացել է, ութը՝ վիրավորվել, նրանցից վեցի վիճակը ծանր է։

Վարորդը բերման է ենթարկվել: Բեռլինի ոստիկանության տվյալներով՝ նա ազգությամբ հայ Գերմանիայի 29-ամյա քաղաքացի է։