Դուք լեգիտիմ չեք, որովհետև հեռացել եք նրանից, ինչ խոստացել էիք ժողովրդին․ Իշխան Սաղաթելյան

«Հայաստան» խմբակցության պատգամավոր Իշխան Սաղաթելյանն անդրադառնալով ՌԴ ԱԳ նախարար Սերգեյ Լավրովի Հայաստան այցին և լրագրողների հետ հանդիպման ընթացքում Արարատ Միրզոյանի այն պատասխանին, թե՝ «Հայաստանում չկա ներքին  քաղաքական ճգնաժամ», ասաց․

«Սա իրենց հիմնական թեզն է, որ փորձում են համոզել բոլորին, իբր նախորդ տարի ընտրությունների արդյունքով իրենք լեգիտիմ են և երկրում ճգնաաժամը հաղթահարված է։

Սաղաթելյանը հիշեցրեց, որ  ՔՊ-ն նախաընտրական ծրագրով ժողովրդին խոստացել է․ Արցախի ինքնորոշման իրավունքի և կարգավիճակի՝ դեօկուպացիա մասին, սակայն հակառակն են արել՝ իջեցնելով Արցախի կարգավիճակի նշաձողը։

«Եթե Արարատ Միրզոյանը, Նիկոլ Փաշինյանը, ՔՊ-ն այնցած տարի այս օրերին ժողովրդին ասած լիներ այն ինչ մենք ենք ասում՝  եթե ՔՊ-ն գա իշխանության ունենալու ենք նոր կորուստներ, հայրենազրկում և դրանից հետո ստանալ մեր ժողովրդի քվեն, այսօր կարող էին ասել, որ լեգիտիմ են և ժողովրդի անունից մանդատ ունեն։

Քանի որ դա ասել են վերընտրվելուց հետո, ուրեմն իրենք խզել են քաղաքացիական պայմանագիրը ժողովրդի հետ և կապ չունեն մեր ժողովրդի հետ։ Իրենք լեգիտիմ չեն։ Այլևս չփորձեք միջազգային հանրությանն ու մեր ժողովրդին համոզել, որ դուք ընտրություններով վերարտադրվել եք ու լեգիտիմ եք։ Դուք լեգիտիմ չենք, որովհետև հեռացել ենք նրանից, ինչ խոստացել էիք ժողովրդին»,- հայտարարեց Սաղաթելյանը։

Նա նաև նշեց, որ վերջին հարցումների արդյունքով, ժողովրդի 90 տոկոսը դեմ է, որպեսզի Արցախը լինի Ադրբեջանի կազմում։

«Այս մարդիկ չեն ասել, որ տարածաշրջանում խաղաղության դարաշրջան բացելու գինը հայրենազրկումն է։ Ովքեր ասում են, որ ժողովրդի կողմից են ընտրվել, հիմա ես ասում եմ, որ ժողովրդի կողմից մերժվել են»,- հավելեց նա։

Ինչ վերաբերում է ընդդիմության հավաքների սակավամարդ լինելուն, ապա Սաղաթելյանն ասաց․

«Արարատ Միրզոյանին ասում եմ՝ ամեն օր քո պատուհանից նայի տես քեզ քանի հայրուր կամ հազար ոստիկան է հսկում ու հասկացի՝ սակավարդ են,թե՞ ոչ»։