Բժիշկը խոսել է իմպոտենցիայի առաջացման պատճառների մասին

Ռուս ուրոլոգ Կոնստանտին Պրոխորենկոն «Доктор Питер» պորտալին պատմել է, թե ինչպես է իմպոտենցիան կապված սրտի առողջության հետ:

Ուրոլոգի խոսքով՝ էրեկտիլ դիսֆունկցիան կապված է տղամարդու օրգանիզմում բազմաթիվ պաթոլոգիական պրոցեսների առաջացման հետ։

«Նախկինում տարբեր հոգեբանական խնդիրներ համարվում էին էրեկտիլ դիսֆունկցիայի հիմնական պատճառը, սակայն այսօր հայտնի է, որ իմպոտենցիայի դեպքերի մեծ մասը պայմանավորված է սրտանոթային համակարգի խանգարումներով», - ասել է Պրոխորենկոն:

Բժիշկը բացատրել է, որ իմպոտենցիան կապված է սրտի հիվանդության հետ, քանի որ սեռական օրգանների անոթները հակված են աթերոսկլերոզի, և դրանց նեղացումը խանգարում է նորմալ արյան հոսքին։ Ուստի ուրոլոգը խստորեն խորհուրդ է տվել այցելել սրտաբանի` սրտի մկանների աշխատանքը ստուգելու համար։

Պրոխորենկոն նշել է, որ այնպիսի հիվանդությունները, ինչպիսիք են սրտի իշեմիկ հիվանդությունը, զարկերակային հիպերտոնիան, արյան շրջանառության խանգարումները, կարող են հանգեցնել իմպոտենցիայի։