Ովքեր այլևս չեն կարող տաքսի վարել ՌԴ-ում. Պուտինը նոր օրենք է ստորագրել

ՌԴ նախագահ Վլադիմիր Պուտինը օրենք է ստորագրել, որն արգելում է միջին և մեծ ծանրության  հանցագործությունների համար չմարված դատվածություն ունեցող վարորդներին աշխատել որպես տաքսու վարորդ, իսկ ծանր և առանձնապես ծանր հանցագործությունների համար դատապարտված վարորդներին՝ վարել ավտոբուսներ և տրամվայներ։ Փաստաթուղթը հրապարակվել է իրավական տեղեկատվության պաշտոնական ինտերնետային պորտալում։

Համապատասխան արգելքը վերաբերում է ավտոբուսների, տրամվայի, տրոլեյբուսների վարորդ դառնալ ցանկացողներին։ Եթե ​​քաղաքացիները քրեական անցյալ ունեն հանրային անվտանգության, սահմանադրական կարգի և պետության անվտանգության, մարդկության խաղաղության և անվտանգության դեմ ուղղված հանցագործությունների համար, նրանք չեն կարողանա դիմել ցանկալի թափուր պաշտոնի համար։

Այս միջոցը կտարածվի նաև ԵԱՏՄ անդամ երկրների քաղաքացիների վրա, ովքեր դատապարտվել են իրենց երկրներում։ Տաքսու վարորդների համար նշված է նույն հանցագործությունների ցանկը՝ ընդլայնված սպանության, դիտավորությամբ առողջությանը ծանր վնաս պատճառելու, առևանգման, կողոպուտի, խուլիգանության և բռնաբարության համար դատվածությամբ։