ԱԱԾ-ից հարցրեք՝ ինչո՞ւ չեն թողել, որ ՀՅԴ-ական Փափազյանը մտնի ՀՀ․ ես հետաքրքրվել եմ, բայց չգիտեմ
ՏեսանյութերՀՀ Սփյուռքի գործերի գլխավոր հանձնակատարը չի փորձել ԱԱԾ-ից պարզել սփյուռքահայ գործիչ Մուրադ Փափազյանի մուտքը ՀՀ արգելելու պատճառները։
Մ. Փափազյանի մուտքը ՀՀ արգելվելու մասին հայտնի է դարձել հուլիսի 14-ին, երբ Երեւանի օդանավակայանում նրան թույլ չի տրվել դուրս գալ օդանավակայանի տարածքից եւ ուղեկցել են դեպի վերադարձի օդանավ՝ առանց պատճառը ներկայացնելու։ Ոստիկանությունն ու ԱԳՆ-ն բացառել են իրենց որեւէ դերակատարությունը Փափազյանի մուտքի արգելքին, իսկ ԱԱԾ-ն, որի կազմի մեջ գործում է սահմանապահ ծառայությունը, ուղղակի լռում է։
Այսօր լրագրողները փորձել են Զարեհ Սինանյանից տեղեկանալ՝ պատճառները, սակայն նա խուսափեց խոսել այդ մասին՝ հայտարարելով, որ Սփյուռքի գործերով հանձնակատարի գրասենյակը չի փորձել ԱԱԾ-ից պարզել պատճառները։
«Համոզված եմ՝ տեղյակ եք, որ որոշումն ԱԱԾ-ն է կայացրել։ Ես տեղեկություն չունեմ, թե հիմնական պատճառը որն էր, հետաքրքվել եմ, բայց պաշտոնապես չենք դիմել ԱԱԾ-ին, որ իմանանք նրա մուտքն արգելելու հիմնական պատճառը։ Բայց կարող եմ բացառել, որ Ադրբեջանի կամ Թուրքիայի հորդորով կարող էր նման որոշում կայացվեր։ Դա բացառվում է»,-ասաց Սփյուռքի գործերի գլխավոր հանձնակատարը։
Ի դեպ, նա տեղյակ չէր նաեւ, թե Ուկրաինայում ընթացող պատերազմական գործողությունների հետևանքով մեր հայրենակիցներից քանիսն են դուրս եկել այնտեղից, Սինանյանը դժվարացավ պատասխանել՝ հիմնավորելով նրանով, որ այդ թիվն անընդհատ փոփոխվում է։
«Դուրս եկած քաղաքացիների թվի մասին տվյալներ չունենք, իսկ ինչ վերաբերում է մեր այն հայրենակիցներին, որոնք ՀՀ են եկել ու նրանց դժգոհություններին, նրանց հետ աշխատում ենք։ ՀԿ-ների հետ տարբեր ծրագրեր ենք իրագործում»,-ասաց Սինանյանը։
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
