«Քիմ Քարդաշյանին հարցրել են՝ լա՞վ ա, որ 7-ին արթնանանք». քաղաքապետը պատմում է իր մասին հումորները

«Վարչական շրջաններում տեղադրվել է համակարգ, որով այդ ղողանջները հնչում են, ես կարծում եմ, որ Երևանի համար դա լավ կոլորիտ է: Ինչ վերաբերում է նրան, որ զանգերը խանգարում են տարբեր մարդկանց, առավոտյան ժամը 7 -ից արթնացնում են, հումորները շատ լավն էին, ճիշտն ասած: Նույնիսկ Քիմ Քարտաշյանին էին հարցրել, թե ինչ կարծիք ունի, հումորները շատ լավն էին: Մի բան կցանկանայի նշել, որ համակարգը իմ հայտարարությունից առաջ 25 օր է՝ աշխատում էր, և վստահ եմ, որ իմ հայտարարությունից հետո մարդիկ նույն ձև արթնացել են, և իրենց կյանքում շատ բան չի փոխվել, պարզապես հայտարարել եմ, որ աշխատում եմ». Այս մասին այսօր՝ հուլիսի 25-ին, քաղաքապետարանում գործակարգավարական խորհրդակցության ժամանակ ասաց Երևանի քաղաքապետ Հրաչյա Սարգսյանը՝ անդրադառնալով ՝ ժամը 7-ին Երևանի հիմնը հնչեցնելու որոշման մասով արձագանքներին՝ ընդգծելով, որ ուրախալի է, որ քաղաքացիները Երևանին մեծ պատասխանատվությամբ են վերաբերվում և Երևանում տեղի ունեցող իրադարձությունների մասին իրենց վերաբերմունքն են արտահայտում:

Հրաչյա Սարգսյանը շնորհակալություն է հայտարարել քաղաքացիներին, որ անտարբեր չեն Երևան քաղաքի նկատմամբ:

Հիշեցնենք, որ խոսքը Երևանի 12 վարչական շրջաննեում տեղադրված համակարգի մասին է, որը հնարավորություն է տալիս ամեն առավոտ ժամը 7-ին հնչեցնել Երևանի հիմնը: