Խերսոնում Դնեպրի վրայով անցնող կամուրջը գնդակոծվել է (լուսանկար, տեսանյութ)

Ուկրաինացի զինվորականները հուլիսի 26-ի, լույս 27-ի գիշերը գնդակոծել են Խերսոնում Դնեպրով անցնող միակ ճանապարհային կամուրջը։ Ընդհանուր առմամբ՝ 36 հրթիռ է արձակվել, ինչն աննախադեպ է։ Այս մասին ասել է Խերսոնի շրջանի ժամանակավոր վարչակազմի ղեկավարի տեղակալ Կիրիլ Ստրեմուսովը։

«Ես ուզում եմ շատերին հանգստացնել. կամուրջը կանգուն է: Բայց այն, ըստ էության, գնդակոծվել է: Բայց դա չի նշանակում, որ մենք պետք է վախենանք այնտեղ ինչ-որ մեկից»,- ասել է Ստրեմուսովը։

Հրթիռային հարձակումն իրականացվել է երեքշաբթի օրը՝ մոտավորապես ժամը 22:50-ին, հաղորդում է «Ինտերֆաքս»-ի թղթակիցը։ Խերսոնում հրետակոծության պահին պայթյուններ են լսվել, երկնքում քաղաքի բնակիչները մի քանի բռնկում են տեսել։ Տարածաշրջանի վարչակազմում գործակալությանը հայտնել են, որ կամրջի վրա արձակված մի քանի հրթիռներ որսացել են ռուսական հակաօդային պաշտպանության համակարգը։

Անտոնովսկի կամուրջը միակ ավտոմոբիլային և հետիոտնային անցումն է Դնեպրի վրայով, որը Խերսոնը կապում է ձախ ափին։ Նրա երկարությունը մոտ 1,4 կմ է, լայնությունը՝ 25 մ։