10-ամյա երկվորյակները մահից փրկել են խեղդվող հորը

ԱՄՆ-ի Ալաբամա նահանգում 10-ամյա երկվորյակ եղբայրներ Բրայդոն և Քրիստիան Հասիգները իրենց 11-ամյա ընկեր Սեմ Էբերտի հետ փրկել են իրենց հորը լողավազանում խեղդվելուց։ Այս մասին հայտնում է People հրատարակությունը։

Տղաները նկատել են, որ իրենց հայրը՝ Բրեդ Հասիգը, ով ջրի տակ շնչառական վարժություններ էր անում, սկսել է դողալ, իսկ դեմքը կապտել է։ Բրայդոնը, Քրիստիանը և նրանց ընկերը անմիջապես շտապել են օգնության։ Նրանք տղամարդուն քարշ են տվել ցամաք, իսկ հետո Բրայդոնը հորը արհեստական ​​շնչառություն է արել։ Ինչպես հետագայում խոստովանել է տղան, ինքը չգիտեր, թե ինչպես պատշաճ կերպով ցուցաբերել առաջին օգնությունը նման դեպքերում, բայց հիշում էր, որ ֆիլմում տեսել է, թե ինչպես են խեղդվողին փրկել։

Քրիստիանը դեպքի վայրի մոտ նկատել է վարորդի և խնդրել շտապօգնություն կանչել։ Բրեդը տեղափոխվել է տեղի հիվանդանոց և մեկ օր անց դուրս գրվել: Տղամարդը խոստովանել է, որ ողջ կյանքում երախտապարտ կլինի տղաներին՝ փրկության համար։

Բրայդոնի խոսքով՝ ինքը գիտեր, որ պետք է փրկի հորը։ «Հորս հետ շատ ուրախ, տխուր և խենթ պահեր եմ ունեցել։ Բայց այդ ժամանակ մտածեցի, որ չէի ուզում, որ այդ պահը վերջինը լինի»,- ասել է տղան։