Բորտուղեկցորդուհիները վռնդել են ուղևորուհուն ինքնաթիռից, քանի որ նրանց դուր չի եկել նրա դեմքը
ԱյլՈւղևորուհուն խնդրել են լքել օդանավը, քանի որ անձնակազմի անդամները նրա դեմքի էկզեման շփոթել են կապիկի ծաղիկի հետ: Աղջիկը կիսվել է պատմությամբ TikTok-յան հոլովակում: Տեսանյութը, որը հարյուր հազարավոր դիտումներ է հավաքել, գրավել է Daily Star-ի ուշադրությունը:
Տեսանյութի հեղինակ Ժակլին Նգուի խոսքով՝ ինքը պետք է թռչեր ամերիկյան Spirit Airlines ավիաընկերությունով։ Սակայն, երբ աղջիկը նստել է, բորտուղեկցորդուհիները որոշել են նրան դուրս հանել ինքնաթիռից, քանի որ նրանց դուր չի եկել Նգուի դեմքի բորբոքումը. նրանք դա շփոթել են կապիկի ծաղիկի հետ։
Չնայած ճանապարհորդի բացատրությանը, որ էկզեման վարակիչ չէ, ավիաընկերության աշխատակիցներն ասել են, որ Նգուին թույլ կտան թռչել միայն այն դեպքում, եթե ներկայացնի հիվանդության բժշկական ապացույցներ: Այնուամենայնիվ, աղջկան հաջողվել է ապացուցել բորտուղեկցորդուհիների սխալը. նա ներկայացրել է բժիշկների կողմից իրեն նշանակված դեղամիջոցը։
Զբոսաշրջուհին իր տեսանյութը մակագրել է. «Ապատեղեկատվությունը հանգեցնում է խտրականության և թշնամանքի: Մաշկային ակնհայտ, ոչ վարակիչ հիվանդություններով մարդիկ դա զգում են»: Ճանապարհորդուհին խոստովանել է, որ մանկուց տառապել է մաշկային հիվանդությամբ, բայց իր ողջ կյանքում երբեք այնպես չի նվաստացել, ինչպես ինքնաթիռում։ Աղջիկը նաև խորհուրդ է տվել ավիաընկերության ղեկավարությանը ստիպել անձնակազմին սովորել տարբեր հիվանդությունների տարբերությունները։
Հրատարակությունը նշում է երկու հիվանդությունների տարբերությունը։ Այսպիսով, էկզեման մաշկային ոչ վարակիչ հիվանդություն է, որը բնութագրվում է չոր, շերտավոր մաշկով, կարմրությամբ, երբեմն նաև խոցերով։ Մինչդեռ կապիկի ծաղիկը արևադարձային վիրուսային վարակ է, որը փոխանցվում է սերտ շփման միջոցով: Ախտանիշները ներառում են ցան, որը վերածվում է փոքրիկ բշտիկների: