Տղամարդուն սխալմամբ մահացած են համարել և նրա մարմինը նվիրաբերել օրգանների համար
ԱյլԱմերիկացին սխալմամբ մահացած ճանաչված տղամարդը կենդանության նշաններ է ցույց տվել իր մարմինը օրգանների համար նվիրաբերելուց մի քանի րոպե առաջ: Այս մասին հայտնում է The Mirror-ը։
37-ամյա Ռայան Մարլոուն երկու շաբաթ անցկացրել է հիվանդանոցում՝ լիստերիա բակտերիայով վարակվելուց հետո: Վարակի պատճառով նրա մոտ գլխուղեղի ուռուցք է առաջացել։ Հիվանդի ինքնազգացողությունը աստիճանաբար վատացել է, արդյունքում բժիշկները հայտարարել են ուղեղի մահ։
Տղամարդու ընտանիքը համաձայնել է նրա մարմինը նվիրաբերել օրգանների համար։ Բժիշկներն ասել են, որ Մարլոն կմնա կյանքի աջակցության տակ, քանի դեռ չեն գտնվել մահացածի սրտի, թոքերի և լյարդի փոխպատվաստման հասցեատերերը։
Երբ ընտանիքը հավաքվել էր Մարլոուի մահճակալի շուրջ՝ նրան հրաժեշտ տալու համար, նա շարժել է ոտքը։ Համակարգչային շերտագրությունը ցույց է տվել նաև ուղեղի ակտիվության նշաններ: Տղամարդու կնոջ՝ Մեգանի խոսքով, դա տեղի է ունեցել այն ժամանակ, երբ մարմինը պատրաստվում էին տանել օրգանների հավաքման համար։ «Ես բուժքրոջն ասացի, որ անմիջապես դադարեցնի ամեն ինչ», - հիշում է նա:
Քանի որ նման դեպքեր հազվադեպ են արձանագրվում, բժիշկները խորհրդակցություն են հավաքել և եկել այն եզրակացության, որ սխալ է թույլ տրվել։ Տղամարդը դեռ ողջ է, սակայն շարունակում է մնալ ծայրահեղ ծանր վիճակում և գտնվում է խորը կոմայի մեջ։