Հոգեբանները պարզել են, թե ինչպես կինը կարող է տղամարդուն ավելի երջանիկ դարձնել
ԱյլՏղամարդիկ իրենց ավելի երջանիկ են զգում հարաբերություններում, երբ զուգընկերուհիները նրանց կատակներն ավելի զվարճալի են համարում, քան իրենցը: Այս մասին հոգեբանները խոսել են Personality and Individual Differences ամսագրում հրապարակված հոդվածում:
Հետազոտողները հարցազրույց են անցկացրել 149 հետերոսեքսուալ զույգերի հետ, որոնց հարաբերությունների միջին տևողությունը մոտ յոթ տարի է: Կամավորները հայտնել են, թե որքան հաճախ են կատակում իրենց զուգընկերոջ հետ, որքան հաճախ է կատակում զուգընկերը և որքան հաճախ են ծիծաղելի համարում նրա կատակները:
Ինչպես պարզվել է, տղամարդիկ ավելի հաճախ են կատակում և իրենց կատակներն ավելի հաջող են գնահատում, թեև զուգընկերոջ կատակների վրա ծիծաղելու հաճախականության մեջ սեռային տարբերություններ չեն եղել։ Արական հումորն ավելի հաճախ կապված է եղել ագրեսիայի և ինքնահաստատման հետ:
Միևնույն ժամանակ, տղամարդիկ ավելի երջանիկ էին զգում հարաբերություններում, որտեղ զուգընկերուհին նրանց կատակներն ավելի զվարճալի է համարում, քան իրենը:
«Կատակները, ծիծաղը և հումորը դեռևս երկարաժամկետ հարաբերություններում զուգընկերների միջև հարաբերություններ կառուցելու մեխանիզմների մի մասն են», - եզրակացրել են հետազոտողները: