Մեծ Բրիտանիային սպառնում է բյուջեի դեֆիցիտի՝ Լիզ Թրասի հակաճգնաժամային ծրագրերի պատճառով. Bloomberg

Մեծ Բրիտանիայի նոր վարչապետ Լիզ Թրասի որոշումը՝ զսպել էներգիայի գները, բրիտանացի հարկատուների վրա կնստի մինչև 200 միլիարդ ֆունտ ստեռլինգ առաջիկա 18 ամիսների ընթացքում, գրում է Bloomberg-ը։ Գործակալության տվյալներով՝ այդ միջոցները կօգտագործվեն մինչև 2024 թվականի ապրիլ տնային տնտեսությունների համար էլեկտրաէներգիայի վճարները սառեցնելու, ինչպես նաև բիզնեսի համար զեղչերի սխեմայի նպատակով։

«Աջակցության մասշտաբը մոտենում է համաճարակի ժամանակ հատկացված 310 միլիարդ ֆունտ ստերլինգին և և մոտ 10%-ով կավելացնի Մեծ Բրիտանիայի 2,3 տրիլիոն ֆունտ ստերլինգ պետական ​​պարտքը: Այս գումարի փոխառությունը կհանգեցնի բյուջեի դեֆիցիտի այն մակարդակին, որը միայն մեր ժամանակներում է նկատվել` համաշխարհային ֆինանսական ճգնաժամի և Covid-19 համաճարակի ժամանակ։

Ինչպես նշում է Bloomberg-ը, նման ծախսերը կբարձրացնեն Մեծ Բրիտանիայի պարտքը պարտատոմսերի շուկայում, ինչը կարող է ազդել պետական ​​փոխառությունների արժեքի վրա: Գործակալությունը նշում է, որ Թրասը, ընդհանուր առմամբ, տնտեսական քաղաքականության մեջ մանևրելու չափազանց մեծ տեղ չունի, քանի որ նա արդեն բրիտանացիներին խոստացել է չմտցնել նոր հարկեր։

«Ես թերահավատ եմ այն ​​հարցում, թե արդյոք տեղ ունենք ծախսերի էական ավելացման և հարկերի կրճատման համար: Մեծ Բրիտանիայի տնտեսությունը գուցե ավելի փխրուն է, քան շատ բրիտանացի քաղաքացիներ են պատկերացնում: Մենք չենք կարող լուծել այս խնդիրը պարզապես գումար վերցնելով և մարդկանց տալով»,- Bloomberg-ին ասել է Գանձապետարանի նախկին կանցլեր Ֆիլիպ Համոնդը։