Արևմուտքը խուճապի է մատնվել. Էրդողան

Թուրքիայի նախագահ Թայիփ Էրդողանը հայտարարել է, որ Արևմուտքը խուճապի մեջ է, թե ինչպես է անցկացնելու ընթացիկ ձմեռը՝ գների աճի պայմաններում, գրում է Ռիա Նովոստին։

Ուկրաինայի ապառազմականացման հատուկ գործողության մեկնարկից հետո Արևմուտքը ուժեղացրեց պատժամիջոցների ճնշումը Ռուսաստանի վրա, ինչը հանգեցրեց էլեկտրաէներգիայի, վառելիքի և սննդամթերքի գների բարձրացմանը Եվրոպայում և ԱՄՆ-ում: Միևնույն ժամանակ, ինչպես նշել է ՌԴ նախագահ Վլադիմիր Պուտինը, Ռուսաստանին զսպելու և թուլացնելու քաղաքականությունը Արևմուտքի երկարաժամկետ ռազմավարությունն է, և պատժամիջոցները լուրջ հարված են հասցրել ողջ համաշխարհային տնտեսությանը։

«Էներգետիկ ճգնաժամի թեմա կա, գները բարձրանում են։ Հիմա Արևմուտքը խուճապի մեջ է, թե ինչպես է անցկացնելու այս ձմեռը։ Հուսով եմ, որ խելամիտ քայլերով մենք կհաղթահարենք այս փորձությունները»,- ասել է Էրդողանը Խորվաթիայում կայացած մամուլի ասուլիսում։