Ուկրաինական բանակը Խարկովի մարզում 20 բնակավայր է ազատագրել. հայտնի են մանրամասները

Ուկրաինական բանակը Խարկովի մարզում ազատագրել է 20 բնակավայր և 50 կմ խորացել է ռուսների պաշտպանության ուղղությամբ։

Այս մասին հայտնել է Ուկրաինայի Զինված ուժերի Գլխավոր շտաբի գլխավոր օպերատիվ վարչության պետի տեղակալ Ալեքսեյ Գրոմովը։

Նա հավելել է, որ ներկայումս այս բնակավայրերում «զտման օպերացիա» է ընթանում։

ՌԴ պաշտպանության նախարարությունը չի մեկնաբանում այս  տեղեկությունները։ Իսկ Խարկովի մարզի իշխանությունները հայտարարում են, որ իրավիճակը շփման գծում «բարդ է, բայց վերահսկելի»։