«Բարսելոնան» ավարտեց կանանց ֆուտբոլի պատմության ամենաթանկ տրանսֆերը

«Մանչեսթեր Սիթիի» և Անգլիայի հավաքականի կիսապաշտպան Կիրա Ուոլշը ռեկորդային գումարով տեղափոխվել է «Բարսելոնա», գրում է football24-ը:

25-ամյա ֆուտբոլիստի իսպանական ակումբ տեղափոխության մասին «Մանչեսթեր Սիթին» հայտարարել է պաշտոնական կայքում, իսկ «Բարսելոնան»՝ սոցցանցերում։ Պայմանագիրը նախատեսված է 3 տարով։ Երկու ակումբներն էլ պայմանավորվել են չհրապարակել տրանսֆերի գումարը։ ESPN-ը պնդում է, որ տրանսֆերային գումարը գերազանցել է 350 հազար ֆունտ ստերլինգը, ինչը ռեկորդային տրանսֆեր է կանանց ֆուտբոլի պատմության մեջ։

Հիշեցնենք, որ տղամարդկանց շրջանում ամենաթանկ տրանսֆերը Նեյմարի տրանսֆերն է «Բարսելոնայից» «ՊՍԺ»՝ 222 միլիոն եվրո՝ 2017 թվականին։

«Բարսայում» Կիրա Ուոլշը պետք է փոխարինի թիմի առաջատար Ալեքսիա Պուտելլասին, ով լուրջ վնասվածք էր ստացել Եվրոպայի առաջնությունում և կարող էր բաց թողնել ամբողջ մրցաշրջանը:

Ուոլշը «Մանչեսթեր Սիթիում» հանդես է գալիս 2014 թվականից և նվաճել է 8 գավաթ։ Նա վերջերս Անգլիայի հետ հաղթել է 2022 թվականի Եվրոպայի կանանց առաջնությունում և ճանաչվել եզրափակիչի տարվա լավագույն խաղացող։