Շվեդիայի վարչապետը հրաժարական է տվել

Շվեդիայի վարչապետ Մագդալենա Անդերսոնը հայտարարել է հրաժարական տալու մտադրության մասին՝ ընդունելով երկրի խորհրդարանական ընտրություններում պարտությունը, գրում է dw-ն։

Շվեդիայում սեպտեմբերի 11-ին կայացած խորհրդարանական ընտրություններում ձայների ավելի քան 99 տոկոսը հաշվելուց հետո կոալիցիոն կուսակցության առաջնորդ Ուլֆ Քրիստերսոնը նվազագույն հաշվով հաղթում է Անդերսոնի և նրա Սոցիալ-դեմոկրատական ​​կուսակցության շուրջ ձևավորված կենտրոնամետ դաշինքին: Խորհրդարանի 349 տեղերից, ըստ նախնական տվյալների, աջերը (Չափավոր կոալիցիոն կուսակցություն, Լիբերալ կուսակցություն, Քրիստոնեա-դեմոկրատական ​​կուսակցություն և Շվեդիայի դեմոկրատներ) ստանում են 176 մանդատ՝ ձախ կենտրոնամետների՝ 173-ի դիմաց։

Ելույթ ունենալով մամուլի ասուլիսում՝ Անդերսոնը նշել է, որ սա «փոքր մեծամասնություն է, բայց, այնուամենայնիվ, մեծամասնություն է»։ «Վաղը ես կներկայացնեմ իմ հրաժարականը վարչապետի պաշտոնից, և գործընթացը շարունակելու պատասխանատվությունը կանցնի խոսնակին և Ռիկսդագին (Շվեդիայի խորհրդարան)»,- ասել է նա՝ հավելելով, որ ինքը կգլխավորի Սոցիալ-դեմոկրատների ձևավորած ընդդիմությունը նոր կառավարությունում։ Նոր կառավարության ձևավորման ժամանակ Անդերսոնը կգլխավորի անցումային կաբինետը։

Քրիստերսոնը, ով համարվում է վարչապետի ամենահավանական թեկնածուն, արդեն ասել է, որ սկսելու է նոր կառավարություն ձևավորել։