Ռուսաստանի դեմ «երկրորդ ճակատ» բացելու Վրաստանին ուղղված Կիևի կոչը սադրանք է․ ՌԴ ԱԳՆ

Մոսկվան Աբխազիան և Հարավային Օսիան ազատագրելու մասին Կիևից Վրաստանին ուղղված կոչը համարում է սադրանք։

Այդ մասին հինգշաբթի ասել է ՌԴ ԱԳՆ պաշտոնական ներկայացուցիչ Մարիա Զախարովան, փոխանցում է ՌԻԱ Նովոստի-ն։

Ավելի վաղ իշխող «Վրացական երազանք» կուսակցության նախագահ Իրակլի Կոբախիձեն հայտարարել էր, որ Ռուսաստանի դեմ «երկրորդ ճակատ» բացելու հնարավոր հանրաքվեի մասին իր հայտարարությունը փոքր-ինչ հեգնանք է, քանի որ երկրի բնակչությունը միանշանակ դեմ է պատերազմին։

Ընդ որում, նա նաև պնդում է, որ Կիևը ուղղակիորեն պահանջում է վրացական իշխանություններից՝ բացել նման «ճակատ»։