Եվրոպացիների մի մասը մտադիր է դադարեցնել Կիևին աջակցելը․ Բորելը նշել է պատճառը

ԵՄ դիվանագիտության ղեկավար Ժոզեպ Բորելը խոստովանել է, որ եվրոպական հասարակության մի մասը հոգնել է Ուկրաինայի հակամարտությունից և հակված է դադարեցնել Կիևին աջակցելը։

Այդ մասին նա հայտարարել է սեպտեմբերի 15-ին իսպանական El Mundo թերթին տված հարցազրույցում։

ԵՄ արտաքին քաղաքականության գծով բարձր ներկայացուցիչի խոսքով, եվրոպական հասարակության մի մասը պատրաստ է դադարեցնել Ուկրաինային աջակցելը, քանի որ այն չի կարող դիմակայել դրա հետևանքներին, ինչպիսիք են գների աճը և այլն։

Այդուհանդերձ, Բորելը նշել է, որ Եվրամիությունը չպետք է հրաժարվի Կիևին օգնություն ցուցաբերելուց և շարունակի ջանքեր գործադրել այդ ուղղությամբ։