Վրաստանը պատերազմի՞ է պատրաստվում․ Աբխազիայում լրջորեն անհանգստացած են

Աբխազիայում Վրաստանի հետ նոր պատերազմի հավանականությունը բավականին բարձր են գնահատում, հայտարարել է երկրի ԱԳ նախարար Ինալ Արձինբան հանրային խորհրդի նիստի ժամանակ։

Այս մասին հայտնում է ՏԱՍՍ-ը։

«Վրաստանի կողմից ռազմական հակամարտության հավանականությունը գնահատվում է բավականին բարձր»,- ասել է Արձինբան։

Աբխազիայի ԱԳՆ ղեկավարը հիշեցրել է Վրաստանի իշխող «Վրացական երազանք» կուսակցության առաջնորդ Իրակլի Կոբախիձեի խոսքերը Ռուսաստանի դեմ երկրորդ ճակատ բացելու համար հանրաքվե անցկացնելու հնարավորության մասին։