ՄԱԿ-ի մարդու իրավունքների գերագույն հանձնակատարը կոչ է արել անհապաղ ապաշրջափակել Լաչինի միջանցքը

ՄԱԿ-ի մարդու իրավունքների գերագույն հանձնակատար Ֆոլքեր Թյուրքը կոչ է անում անհապաղ և ամբողջությամբ ապահովել Լաչինի միջանցքով ազատ և անվտանգ տեղաշարժը։ Այս մասին ասված է Միավորված ազգերի կազմակերպության Մարդու իրավունքների գրասենյակի հայտարարության մեջ։

«Սննդի, դեղորայքի և այլ հիմնական ապրանքների ու ծառայությունների անսահմանափակ հասանելիությունը էական նշանակություն ունի տուժած բնակչության կողմից մարդու իրավունքներից օգտվելու համար», -ասված է հայտարարության մեջ: