Վրաստանում Ուկրաինայի դեսպանությունը չի բացառում ուկրաինացիներին երկրից տարհանելու հնարավորությունը

Վրաստանում Ուկրաինայի դեսպանությունը չի բացառում Ուկրաինայի քաղաքացիներին երկրից տարհանելու հնարավորությունը, եթե վերականգնվի ուղիղ օդային հաղորդակցությունը Վրաստանի ու Ռուսաստանի Դաշնության միջև և սկսվի ռուսների զանգվածային հոսք, ասել է Վրաստանում Ուկրաինայի գործերի ժամանակավոր հավատարմատար Անդրեյ Կասյանովը։ 

«Ուղիղ օդային հաղորդակցության վերականգնման և անվտանգության իրական ռիսկերի աճի դեպքում ուզում եմ ասել, որ այսօր դեսպանատունը չի բացառում միջազգային կազմակերպություններին, մեր միջազգային գործընկերներին դիմելու հնարավորությունը՝ Վրաստանի տարածքից Ուկրաինայի քաղաքացիների զանգվածային տարհանման հարցում օգնություն ցուցաբերելու հնարավորությունը քննարկելու համար»,- ասել է նա։

Կասյանովը նշել է, որ ռուսների աննորմալ ներհոսքի պատճառով Վրաստանում անվտանգ մնալու սպառնալիքի զգալի աճի ֆոնին դեսպանատունն ամեն կերպ նպաստում է Ուկրաինայի քաղաքացիների հայրենիք վերադարձին։

«Այժմ մենք քննարկում ենք հատուկ տարհանման երթուղիներ կազմակերպելու հնարավորությունը Ուկրաինայի բնակչության առավել խոցելի հատվածների համար, որոնք իսկապես չունեն վերադառնալու միջոցներ: Միևնույն ժամանակ, մենք համարում ենք ցամաքային տրանսպորտը որպես ամենաօպտիմալը», - ասել է նա: