Կոլումբիայում ամերիկացի զբոսաշրջիկը սպանել է իր սիրելիին և դիակը թաքցրել ճամպրուկի մեջ

Պանամայում սահմանին ձերբակալել են ամերիկացի զբոսաշրջիկին, ով Կոլումբիայում սպանել է իր սիրելիին և փորձել հատել սահմանը։ Այս մասին հայտնում է Daily Mail-ը։

Հրատարակության տվյալներով՝ զույգը ծանոթացել է Բոգոտայում երեկույթի ժամանակ, որտեղ աղջիկն աշխատել է` որպես դիջեյ։ Դրանից հետո նրանք սկսել են հանդիպել։ Մի քանի ամիս անց երիտասարդները սկսել են միասին ապրել, քանի որ նախատեսում էին ամուսնանալ։

Զույգին վերջին անգամ տեսել է տաքսու վարորդը, ով նրանց մեքենայով հասցրել է ակումբ: Տղամարդու ցուցմունքի համաձայն՝ հունվարի 21-ին աղջիկը ցույց է տվել հեռախոսը՝ «Օգնիր, վտանգի մեջ եմ» գրառմամբ։ Սակայն ավելի ուշ, ամերիկացու ներկայությամբ, նա ասել է, որ ամեն ինչ կարգին է։

Հունվարի 22-ին անօթևան տղամարդը աղբամանի մեջ ճամպրուկ է գտել, որի մեջ եղել է կին դիջեյի դին: Փորձաքննության արդյունքներով՝ նրան պարանով խեղդամահ են արել։

Երկու օր անց մահացածի զուգընկերոջը բերման են ենթարկել Պանամայի օդանավակայանում։ Նա փորձել է մեկնել այլ երկիր։ Այժմ ամերիկացին սպասում է արտահանձնմանը Կոլումբիա։