Իլոն Մասկը Ուկրաինային արևմտյան զենքի մատակարարումները «իսկական կոռուպցիա» է անվանել

Ամերիկացի գործարար Իլոն Մասկը Twitter սոցիալական ցանցի իր էջում քննարկում է սկսել մի շարք արևմտյան պետությունների՝ Ուկրաինային ծանր տանկեր մատակարարելու որոշման շուրջ։

«Ոչ ոք կողմ չէ ռուսական ներխուժմանը, բայց ինչպե՞ս է սա ավարտվում նվազագույն արյունահեղությամբ»,- գործարարը հարցրել է իր հետևորդներին։

Ի պատասխան՝ Եվա Ֆոքս մականունով օգտատերը առարկել է, որ «եթե Ուկրաինան իրեն չպաշտպանի, ապա արյունահեղությունը հաստատ չի դադարի»։

«Ուժեղ փաստարկ: Սակայն այս ամենը շատ է հիշեցնում պետական ​​մակարդակով իսկական կոռուպցիա: Մնում է հիմնարար հարցը` ո՞րը կարող է լինել խաղաղության իրատեսական ճանապարհ: Եվ հաստատ սա չէ»,- պատասխանել է գործարարը։