Եվրոպացի քաղաքական գործիչն առաջարկում է «այրել ևս 100 Ղուրան»՝ ի պատասխան Թուրքիայի զայրույթի

Շվեդիայի դեմոկրատական ​​կուսակցության գլխավոր քարտուղար Ռիչարդ Յոմշոֆն առաջարկել է այրել ևս 100 Ղուրան՝ ի պատասխան Ստոկհոլմում վերջերս տեղի ունեցած ցույցի վերաբերյալ Թուրքիայի արձագանքի։ Այդ մասին գրում է Expressen-ը։

Եվրոպացի քաղաքական գործչի կարծիքով՝ «խոսքի ազատությունն ավելի կարեւոր է, քան Շվեդիայի դիմումը ՆԱՏՕ-ին»։ «Կարող եք հայհոյել, կամ կարող եք վիրավորել», - հավելել է նա,- «Դա խոսքի ազատության և կարծիք հայտնելու մաս է»։

Հունվարի սկզբին Ստոկհոլմում Թուրքիայի դեսպանատան մոտ բողոքի ցույց էր տեղի ունեցել, որի ժամանակ ցուցարարներն այրել էին Ղուրանի մեկ օրինակ։ Բողոքի ակցիան կազմակերպել էր քաղաքական գործիչ Ռասմուս Փալուդանը։ Նա հայտարարել էր, որ նոր գործողություններ կիրականացնի այնքան ժամանակ, քանի դեռ Շվեդիան չի անդամակցել ՆԱՏՕ-ին։ Նման արարքը զայրացրել էր թուրքերին։