Ադրբեջանում շարունակվող հակաիրանական քարոզչաալիքի ֆոնին կան տասնյակ ձերբակալվածներ

Ադրբեջանի ՆԳՆ-ն գործողություն է իրականացրել երկրում «իրանցի նարկոբարոնների հովանավորների դեմ», հայտնում է Սպուտնիկ Ադրբեջանը։

Բերման են ենթարկվել «Փյունխան», «Բաբա», «Փեյման», «Արազ» պայմանական անուններով կազմակերպված հանցավոր խմբի անդամներ, որոնք Իրանից թմրանյութ են տեղափոխել Ադրբեջան՝ երիտասարդներին ներգրավելով թմրանյութերի առաքման ցանցում:

Մի շարք գործողությունների ընթացքում բերման է ենթարկվել 36 մարդ։

Նրանց հետ միասին բերման են ենթարկվել թմրամիջոցների ապօրինի շրջանառությամբ զբաղվող եւս 30 մարդ։  Հարուցվել են քրեական գործեր։ Թմրամիջոցների ցանցի մյուս անդամներին բերման ենթարկելու միջոցառումները շարունակվում են։