Թրամփին կարող է սպառնալ մինչև 400 տարվա ազատազրկում

ԱՄՆ իշխանությունները մեղադրանքներ են ներկայացրել ԱՄՆ նախկին նախագահ Դոնալդ Թրամփի ​​դեմ։ Այս մասին ասվում է մեղադրական եզրակացության մեջ, որը տեղադրված է Ֆլորիդայի հարավային շրջանի դատարանի էլեկտրոնային տվյալների բազայում, հաղորդում է ՌԻԱ Նովոստին։

Մասնավորապես, դատախազությունը Թրամփին մեղադրանք է առաջադրել 38 կետով՝ Ֆլորիդայում գտնվող իր առանձնատանը գաղտնի փաստաթղթերի անօրինական պահպանման գործով։ Բացի այդ, նախկին նախագահը մեղադրվում է «ազգային պաշտպանությանը վերաբերող տեղեկության միտումնավոր պահպանման», «արդարադատությանը խոչընդոտելու նպատակով դավադրության», «փաստաթղթեր կամ գրառումներ թաքցնելու», «կեղծ ցուցմունքներ տալու» և «հետաքննությանը խոչընդոտելու» մեջ։

Հոդվածներից յուրաքանչյուրը նախատեսում է մինչև 20 տարի ազատազրկում։

Նշվում է, որ Թրամփին կանչել են Մայամիի դատարան:

Ինքը՝ քաղաքական գործիչը, շարունակում է պնդել, որ ինքն անմող է։ Նա նաև հիշեցրել է, որ պետության ներկայիս ղեկավար Ջո Բայդենի տանը և աշխատասենյակում հայտնաբերվել են «1850 տուփ» գաղտնի նյութեր։