ՆԱՏՕ-ն մեկնարկում է դաշինքի պատմության մեջ ամենամեծ օդային զորավարժությունները
Աշխարհ
ՆԱՏՕ-ն երկուշաբթի օրը մեկնարկել է իր պատմության մեջ ամենանշանակալի Air Defender 23 զորավարժությունները, հաղորդում են եվրոպական լրատվամիջոցները:
Զորավարժությունները համակարգվում են Գերմանիայի կողմից և կոչված են ցույց տալու դաշինքի միասնությունը «պոտենցիալ սպառնալիքների, մասնավորապես Ռուսաստանին» դիմակայելու համար, հայտնում է RTBF-ն։
Զորավարժությունները կշարունակվեն մինչև հունիսի 23-ը, որին կմասնակցեն մոտ 250 ռազմական ինքնաթիռներ ՆԱՏՕ-ի անդամ և գործընկեր 25 երկրներից, այդ թվում՝ Ճապոնիայից և Շվեդիայից։
Հայտարարվել է, որ զորավարժություններին ներգրավված է մինչև 10 հազար մարդ։ Կմշակվի «ՆԱՏՕ-ի տարածքում գտնվող քաղաքների, օդանավակայանների կամ նավահանգիստների վրա հարձակման դեպքում անօդաչու թռչող սարքերից ու թևավոր հրթիռներից պաշտպանվածության ուժեղացումն ու պաշտպանությունը»։
Ամենադիտված 
Մնաս բարյավ. Րաֆֆի Հովհաննիսյան
