Բորելը հայտնել է՝ երբ կարող են սկսվել Ուկրաինայի հարցով խաղաղ բանակցությունները

Եվրոպական դիվանագիտության ղեկավար Խոսեպ Բորելը համոզված է, որ Ուկրաինայում ռազմական հակամարտության խաղաղ կարգավորման բանակցությունները դժվար թե սկսվեն ԱՄՆ նախագահական ընտրություններից առաջ։ Դրանք նախատեսված են 2024 թվականին, գրում է Kommersant-ը։

«Կարծում եմ, որ Վլադիմիր Պուտինը սպասում է ամերիկյան ընտրությունների արդյունքներին։ Մինչ այդ պետք չէ ակնկալել խաղաղ բանակցությունների մեկնարկ»,- ասել է Բորելը իսպանական Onda Cero ռադիոյին տված հարցազրույցում: Նրա կարծիքով՝ «պատերազմը շատ այլ կերպ կզարգանար», եթե ԱՄՆ նախագահ լիներ Դոնալդ Թրամփը, ոչ թե Ջո Բայդենը։

Պաշտոնապես Ռուսաստանի և Ուկրաինայի միջև բանակցությունները դադարեցվել են 2022 թվականի մայիսին՝ Կիևի նախաձեռնությամբ։ Հոկտեմբերին Ուկրաինայի նախագահ Վոլոդիմիր Զելենսկին հրամանագիր է ստորագրել, որը բացառում է Ռուսաստանի նախագահի հետ հետագա բանակցությունների հնարավորությունը, քանի դեռ նախագահը Վլադիմիր Պուտինը է։ 2023 թվականի մայիսին Զելենսկին հայտարարեց, որ իր համար դժվար կլինի խոսել Պուտինի հետ մինչև ռուսական զորքերի դուրսբերումը։