Գերմանիայում նախազգուշացրել են` Ուկրաինայում ոչնչացված Leopard 2 տանկերը չեն փոխարինելու նորերով

Գերմանիան հնարավորություն չունի փոխարինելու Ուկրաինայում ռազմական գործողությունների ժամանակ ոչնչացված Leopard 2 տանկերը, սակայն երկիրը կշարունակի զենք մատակարարել Կիևին։ Bild-ի փոխանցմամբ՝ այս մասին հայտարարել է Գերմանիայի պաշտպանության նախարար Բորիս Պիստորիուսը։

«Մենք չենք կարող փոխարինել յուրաքանչյուր տանկ, որն այժմ շարքից դուրս եկած է», - բացատրել է Պիստորիուսը:

Նա նշել է, որ ռազմական գործողությունների ընթացքում տեխնիկա է ոչնչացվում, մարդիկ են զոհվում։

«Դրա համար էլ մեր աջակցությունն Ուկրաինային այդքան կարևոր է»,- հավելել է Պիստորիուսը։

Ավելի վաղ ՌԴ պաշտպանության նախարարությունը հայտարարել էր, որ ռուսական զորքերը մեկ օրում ոչնչացրել են երեք Leopard տանկ և բրիտանական Stormer հակաօդային պաշտպանության համակարգը։ Ռուսական զորքերը ոչնչացրել են նաև 11 տանկ, 17 հետևակի մարտական ​​մեքենա, 16 զրահամեքենա։