Հայտնի է դարձել «Կախովսկայա» հիդրոէլեկտրակայանի փլուզման վնասի չափը

Ուկրաինայի իշխանությունները «Կախովսկայա» հիդրոէլեկտրակայանի ոչնչացման վնասը գնահատել են 1,5 միլիարդ եվրո, այս մասին հայտնել է Խերսոնի շրջանային վարչակազմի ղեկավար Ալեքսանդր Պրոկուդինը Telegram-ի իր ալիքում։

Նրա խոսքով՝ գնահատականը տրվել է Ուկրաինայի Գերագույն Ռադայի բնապահպանական քաղաքականության կոմիտեի նիստից հետո։

««Կախովսկայա» հիդրոէլեկտրակայանի փլուզման հետևանքով շրջակա միջավայրին հասցված վնասի գնահատված չափն արդեն ավելի քան 1,5 միլիարդ եվրո է», - ասել է քաղաքական գործիչը։

Պրոկուդինը բացատրել է, որ ջրի տակ է անցել մոտ 55 հազար հեկտար անտառ։ Տարածաշրջանի տարածքը ողողած ջուրն այժմ անպիտան է խմելու համար։

Նա հավելել է, որ «Կախովսկայա» հիդրոէլեկտրակայանի ամբարտակի ոչնչացումից հետո 35 մարդ, այդ թվում՝ երկու երեխա, անհետ կորել է։

Ավելի վաղ Խերսոնի շրջանի արտակարգ ծառայությունները հայտնել էին, որ փրկարարները «Կախովսկայա» հիդրոէլեկտրակայանի փլուզումից և լայնածավալ ջրհեղեղից հետո հայտնաբերել են 1950 թվականին ծնված կնոջ դի։

Նշվում է, որ կինը դարձել է «Կախովսկայա» հիդրոէլեկտրակայանի փլուզման իններորդ զոհը։