Դելիմխանովը ողջ է․ Կադիրովը լուսանկար է հրապարակել
Աշխարհ
ՌԴ Պետդումայի պատգամավոր Ադամ Դելիմխանովը ողջ–առողջ է, հայտարարել է Չեչնիայի ղեկավար Ռամզան Կադիրովը տելեգրամյան իր ալիքում, հաղորդում է ՌԻԱ Նովոստին։
«Շնորհակալ եմ բոլոր նրանց, ովքեր անհանգստանում էին, Ադամ Սուլթանովիչը ողջ–առողջ է և նույնիսկ չի տուժել»,- գրել է նա։
Առավոտյան Կադիրովն ասել էր, որ չի կարողանում կապ հաստատել Դելիմխանովի հետ, և ուկրաինական հետախուզությանը խնդրել էր տվյալներ տրամադրել, թե որտեղ է հարվածը հասցվել՝ «սիրելի եղբորը գտնելու» համար։ Ինչպես պարզաբանել է Չեչնիայի ղեկավարը նոր գրառման մեջ, ինքը հենց սկզբից գիտեր, որ Դելիմխանովի մահվան մասին հաղորդագրությունները կեղծ են, սակայն որոշել էր բոլորին ցույց տալ, թե ինչ աստիճանի են իջել ուկրաինական լրատվամիջոցները։
«Որքա՞ն պետք է չհարգել սեփական ընթերցողներին՝ լկտիաբար ստելու համար՝ իմանալով, որ սուտը կարող են հերքել։ Եվ երբ ես կրակի վրա յուղ լցրի, կեղծիքի հեղինակները հավատացին իրենց իսկ հեքիաթին», - ընդգծել է Կադիրովը։
Որպես հաստատում նա հրապարակել է լուսանկար, որում Դելիմխանովի, Չեչնիայի խորհրդարանի նախագահ Մագոմեդ Դաուդովի և ազգային քաղաքականության, արտաքին հարաբերությունների, մամուլի և տեղեկատվության նախարար Ահմեդ Դուդաևի հետ միասին նստած է հսկայական քարտեզի մոտ և քննարկում է ռուսական սահմանների ամրապնդումը։
Ամենադիտված 
Մնաս բարյավ. Րաֆֆի Հովհաննիսյան
